Noticias

Rss
NOV 28 2019

CIC energiGUNE, erreferentziazko zentro gisa aintzatetsia egoera solidoan dauden Erresonantzia Magnetiko Nuklear (RMN) tekniketan

CIC energiGUNE,  erreferentziazko zentro gisa aintzatetsia egoera solidoan dauden Erresonantzia Magnetiko Nuklear (RMN) tekniketan

 

  • Zientziarako tresnen Bruker Española fabrikatzaileak eman duen aintzatespen bakarra da
  • CIC energiGUNEk, Brukerren ekipoetan solidoen RMN teknikari buruzko ikastaroak antolatu eta emango ditu

 

CIC energiGUNEk, energiaren biltegiratze elektrokimikoaren eta termikoaren alorrean Europa mailako erreferentziazko ikerketa zentroak, zientziarako tresnen nazioarteko Bruker fabrikatzailearen Espainiako filialak emandako "Espainiako solidoen RMN Erreferentziazko Zentro" aintzatespena lortu du. Ziurtapen horrek, CIC energiGUNEk Europa mailan sektoreko abangoardiako taldean duen lekua finkatzen du, eta ikerketarako talentua eta garapena erakartzeko gaitasuna handitzen du, Estatu osoan aintzatetsitako erreferentziazko RMN zentro bakarra baita.

CIC energiGUNEren RMN plataformak egoera solidoko eta likidoko RMNak dauzka. Egoera solidoko RMNak material elektrokimikoetako molekulen eta ioien egiturari eta dinamikari buruzko oso informazio zehatza eman dezake. Hori funtsezkoa da energia biltegiratzeko gailuak ulertzeko eta garatzeko. Horrez gain, RMN solidoak espezifikotasun atomikoa duen informazio dinamikoa eman dezake oso material desordenatuetan, eta baita guztiz amorfoetan ere. CIC energiGUNEren egoera solidoko RMN plataformaren teknologiak, energia biltegiratzeko erabiltzen diren materialen karakterizaziorako daude bereziki diseinatuta, gailuaren funtzionamenduan in situ neurketak eta tenperatura aldakorreko (-120 C gradutik +400 gradura) azterketak barne.

Egoera likidoko RMNak, soluzioan dauden materialen karakterizazio estrukturala, zinetikoa eta termodinamikoa ahalbidetzen du. Plataforma horrek RMN likidoaren espektroskopiarako Bruker Avance III 300 MHz barne hartzen du. Azken hori, baterietan inplementatzeko egindako materialen karakterizazio estandarrerako eta agertoki errealak imitatzen dituztenen egonkortasuna eta post mortem-a aztertzeko erabiltzen da. Nukleo anitzen analisia, 31P, 19F, 13C, 1h eta 7Li barne, funtsezko tresna da material organikoen sintesian, eta, gainera, elektrolito organikoen konposizioa eta degradazio mekanismoak, kaudimendunak, polimeroak, gatzak eta gehigarriak barne, zehazteko teknika indartsu gisa hartzen da.

Juan Miguel Lopez del Amo da plataformaren burua, karakterizazio teknika horietan 15 urtetik gorako esperientzia duen ikertzailea, eta fabrikatzaileak "Espainian solidoen RMNan aditu" izendatu duena.

Aintzatespenaren emaitza gisa, bi erakundeek lankidetza hitzarmena sinatu dute. Hitzarmen horren bitartez, CIC energiGUNEk fabrikatzailearen ekipoetan solidoen RMN teknikari buruzko prestakuntza ikastaroak antolatu eta emango ditu.

CIC energiGUNEri buruz

CIC energiGUNE Europako erreferentziazko ikerketa gunea da energiaren biltegiratzearen arloan. Eusko Jaurlaritzako Ekonomiaren Garapen eta Azpiegitura Sailaren arlo horretako ekimen estrategikoa da, eta Arabako Foru Aldundiaren eta Energiaren Euskal Erakundearen laguntza ere badu, eta energiaren eta biltegiratzearen sektoreko Euskadiko enpresa nagusiak ditu bere patronatuan: Iberdrola, Cegasa Portable Energy, Sener, Siemens-Gamesa, Ormazabal, idom, Solarpack, mondragon KORPORAZIOA eta nortegas.

Horrez gain, CIC energiGUNE Europa hegoaldeko energia biltegiratze arloko erreferentziazko laborategia da, beste inon ez dauden instalazioak baititu. Horien artean, biltegiratze elektrikorako (automoziorako egoera solidoko bateriak barne) eta biltegiratze termikorako prototipatu eta testeatze azpiegiturak azpimarratu behar dira. 500 argitalpen zientifikotik gora ditu eta urtean 35 industria proiektu baino gehiagotan hartzen du parte.

Gure cookie eta hirugarrenenak erabiltzen ditugu, erabiltzaileen nabigatze azterketa egin ahal izateko.

Nabigatzen jarraitzen baduzu, beraien erabilera onartzen duzula ulertuko dugu. Konfigurazioa aldatu edo informazio gehiago lortu dezakezu hemen.