CIC energiGUNEk, energiaren biltegiratzean erreferentea den, eta baterietan, energia termikoko soluzioetan eta hidrogenoaren teknologietan espezializatuta dagoen eta Basque Research & Technology Alliance-BRTAko kidea den euskal ikerketa-zentroak, tentsio handiko LNMO (kobaltorik gabea) errendimendu handikoa, segurua eta jasangarria izango duen katodo gelaxka bat garatzeko ikerketa lanak hasi ditu. Lana kontinenteko HighSpin proiektu europarraren barruan dago, beste hamahiru enpresa eta erakunderekin batera CIC energiGUNEk parte hartzen du.
“Prestazio hobeak eta jasangarriagoak dituen Li-ion bateria bat proposatzeaz gain, proiektu honetan birziklagarritasunean jarriko dugu arreta, % 90eko birziklatze-efizientzia azpimarratuz, ia % 99,9ko purutasunarekin.”, ziurtatu du Marine Reynaud, CIC energiGUNEko proiektuaren Ikertzaile Nagusia eta duela denbora gutxi Eusko Jaurlaritzak Ikerketa Proiekturako ematen duen BRTA saria jaso duena. “HighSpin programarekin merkatura epe laburrean hurbiltzea aurreikusten da, 2028an automozio elektrikora eta 2030ean aeronautikara”, esan du.
HighSpin CIC energiGUNEk parte hartzen duen Europa Horizontea deialdiaren barruan Europako Batzordeak onartutako 8 proiektuetako bat da. Izan ere, euskal zentroak arrakasta-tasa maximoa lortu zuen deialdi honetan, parte hartzen duen 9 proiektuetatik EBk 8ri eman baitzien onespena, guztiak ere prestazio handiko baterien garapenari lotuak.
