CIC energiGUNE energia elektrokimikoa eta termikoa biltegiratzeko ikerketa zentrorik onenetakoa da. Hori posible egiten duten faktoreetako bat zentroa osatzen duten pertsonen taldearen talentua da.

Talentua garatzea CIC energiGUNE-n

CIC energiGUNEn talenturik onena bilatzen da, dagoen tokian dagoela, eta bere karrera profesionala eta ikertzailea garatzen lagunduko dion ingurunea eskaintzen zaio. CIC energiGUNEk ezagutza, talde-lana, konpromisoa, malgutasuna eta proaktibitatea bezalako gaitasunak sustatzen ditu. Guztia ikerketa-etikaren, iraunkortasunaren, ingurunearekiko erantzukizunaren, aukera-berdintasunaren eta aniztasunaren printzipioetan oinarrituta.

CIC energiGUNEren talentua kudeatzeko politikek Europako Batzordearen "Human Resources Excellence in Research" saria jaso dute.

Zer eskaintzen dugu CIC energiGUNE-n

CIC energiGUNEko ikerketa-taldea energia biltegiratzeko eremuko onenetakoa da. Zentroan naziotasun anitzeko pertsonak garatzen diren nazioarteko ikerketa-giroa arnasten da. CIC energiGUNEk lan-kontratu bat baino askoz gehiago eskaintzen du, ikerketa-zentro onenekin kolaborazioak eskaintzen ditu, karrera profesionalerako aukera zabalak edo lehen mailako instalazio zientifiko-teknologikoetarako sarbide mugagabea.

Eta hori guztia esparru paregabe batean: Gasteizen eta Euskal Herrian bizitzeko eta dastatzeko leku bat!

Lan egiteko arloak

Biltegiratze elektrokimikoko arloa
  • Biltegiratze elektrokimikoko arloa: eremu honen jarduera energia elektrokimikoa biltegiratzeko material eta sistemetara bideratzen da, hala nola bateriak eta superkondentsadoreak eta horiekin lotutako teknologiak. Arloak eskatzen dituen profilak kimika, fisika, ingeniaritza eta laborategiko teknikariak dira.
Biltegiratze termikoko arloa
  • Biltegiratze termikoko arloa: eremu honen jarduera eskala handiko biltegiratze termikorako edo industria-prozesuetarako materialetan eta sistemetan ardazten da, besteak beste. Arloak eskatzen dituen profilak kimika, fisika, ingeniaritza eta laborategiko teknikariak dira.
Azken teknologiako laborategiak
  • Karakterizazio-, testaketa- eta prototipo-plataformak: eremu honek ikerketa-arloei eta zentrotik kanpoko eragileei zerbitzua ematen dieten karakterizazio-, testaketa- eta prototipo-plataforma zientifiko handi eta bereizgarriak kudeatzen ditu. Hauek dira eskatutako profilak: kimika, fisika, ingeniaritza, eta karakterizazio, testaketa eta prototipoen tekniketan esperientzia duten laborategiko teknikariak.
Administrazioa CIC energiGUNE
  • Administrazioa eta zerbitzuak: arlo honek ikerketarako laguntza-zerbitzuak ematen ditu, proiektuen kudeaketari, kudeaketa ekonomiko-finantzarioari, giza baliabideen kudeaketari, kalitatearen kudeaketari, zaintza teknologikoari, komunikazioari eta marketinari eta abarri dagokienez.