Montse Casas-Cabanas, CIC energiGUNEko, energia elektrokimikoaren biltegiratzean, energia termikoaren biltegiratzean eta bihurketan eta hidrogenoaren teknologietan erreferentea den euskal ikerketa-zentroko arlo elektrokimikoko koordinatzaile zientifikoa, Ikerbasque Research Professor izendatu du bikaintasuneko ikertzaileak erakarriz Euskadiko ikerketa zientifikoaren garapena sustatzen duen Ikerbasque Fundazioa erakundeak.
Azken hiru urteetan Research Associate kategorian Ikerbasqueren zerrendetan egon den Montse Casas-Cabanasen ikerketa-lana, energia biltegiratzearen barruko material funtzionalen diseinuan eta horietan gertatzen diren fenomenoen azterketan oinarritu da. Egoera solidoaren kimikan eta kristalokimikan duen prestakuntza bereziki azpimarragarria da, baita energia biltegiratzeko hainbat teknologiatan duen esperientzia ere.
CIC energiGUNEren elektrokimika arloko koordinatzaile zientifikoa da 2020tik, eta modu aktiboan hartzen du parte euskal zentroa energiaren arloan nazioarteko erreferentziazko erakunde gisa posizionatzen lagundu duten hainbat proiekturen garapenean. Horrez gain, Casas-Cabanas doktorea erreakzio-mekanismoak esperimentuen bidez aztertzen eta egiturazko desordenaren eta errendimendu elektrokimikoko akatsen eragina aztertzen egindako ekarpenengatik izan da aintzatetsia. Horretarako, aitzindaria izan zen materialen komunitatearen barruan gero eta gehiago erabiltzen ari den FAULTS softwarearen garapenean.
