Elene Sasieta Barrutia Kimikan graduatua da Euskal Herriko Unibertsitatean (2019). Bere Gradu Amaierako Lana Mazedonian (Skopje) egin zuen Erasmus+ programaren bitartez, azido poli-laktiko (PLA) eta ligninarekin osatutako mintz polimeriko biodegradagarri baten sorkuntzan, paketatze lanetan erabilia izateko helburuarekin. Gradua amaitu ondoren Kimika eta Polimeroen Masterra egin zuen Euskal Herriko Unibertsitatean (2020). Tecnalia Research & Innovation-eko Konpositeen Sailean burutu zuen bere Master Amaierako Lana, surfaktante desberdinak erabiliz Buckypaper-aren dispertsioaren hobekuntzan, proiektu honen eskala igoz laborategitik plantara eta hau karakterizatzeko teknika berriak ikertuz. Urte horretan, Biokimikarekin eta Kautxuekin lotutako hainbat ikastaro ere egin zituen. Ikasketak amaitutakoan, hondakinen prebentzio eta birziklapenaren arloko ikerketa eta berrikuntzarako beka eman zitzaion, Ekolber enpresan burutua. Bertan, proiektu zuzendaria izan zen kolageno-PLA film polimerikoaren sorreran eta karakterizazioan. Gaur egun CIC energiGUNEn ari da lanean laborategiko teknikari gisa, energia biltzeko gailuen fabrikazioan.

• Polimeroen fisika
• Mintz polimerikoak
• Karakterizazio teknikak

• Konpositeak
• Biomaterial polimerikoak
• Plastikoa prozesatzeko teknikak

• Gipuzkoako Foru Aldundiaren beka 2020 - Hondakinen prebentzio eta birziklapenaren arloko ikerketa eta berrikuntza