Deskribapena

LANPOSTUAREN DESKRIBAPENA:

CIC energiGUNEk doktorego-tesia garatzeko hautagaiak bilatzen ditu, belaunaldi berriko sodio-ioizko baterietan elektrodo/elektrolito interfase ezkutuen azterketan oinarrituta.

Funtzio nagusiak:

• Sodioan oinarritutako bateria-sistemetan esperimentu elektrokimikoak diseinatu eta gauzatzea (coin cells, elektrolito formulazioak, ziklatze protokoloak).
• Egoera solidoko RMN metodologiak garatu eta aplikatzea (estatikoa eta MAS) SEI eta CEI geruzen sorrera eta bilakaera aztertzeko.
• RMN esperimentu in situ eta operando ezartzea baldintza elektrokimiko errealistetan.
• Elektrolitoaren degradazio-produktuak egoera likidoko RMN bidez aztertzea.
  Emaitza espektroskopikoak errendimendu elektrokimikoarekin eta degradazio mekanismoekin erlazionatzea.
• Diziplina anitzeko taldeekin lankidetzan aritzea eta teknika osagarriak erabiltzea (XPS, TEM, SEM, etab.).
• Argitalpen zientifikoak prestatzea eta nazioarteko kongresuetan parte hartzea.

Arloa: Energia Elektrokimikoaren Biltegiratzea eta Bihurketa (EESC) eta Karakterizazio Plataformak
Ikerketa taldea: RMN Plataforma

 

ESKAINTZEN DUGUNA:

• 3 urteko kontratua eta garapen profesionalerako aukerak eskaintzen ditugu. Kontratua berritzeko aukera ematen du, lan-jardun egokia, funtsak eta beharrak kontuan hartuta.
• Sarbide osoa laborategiko instalazioetaraeta abangoardiako karakterizazio-plataformetara.
• Kalitate handiko ikerketaegiten duen Europako punta-puntako ikerketa-zentro batean sartzea, eta energiaren eta jasangarritasunaren arloetan inpaktu-ekarpenak
• Garapen profesionala eta pertsonala: mintegi, nazioarteko hitzaldi, prestakuntza eta abarretara joateko aukera.
• Ingurune integratzailea, gogotsua, nazioartekoa eta diziplina anitzekoa.

Hautatua izan ondoren, hautagaiak, zentroarekin batera, Eusko Jaurlaritzaren doktoratu aurreko beka bat eskatuko du.

MALGUTASUNA ETA OREKA:

• Ordutegi malguak, kontziliazioa eta autoantolakuntza sustatzen dutenak.
• Lan presentzialaren eredua, telelana egiteko aukerarekin.
• Ongietorri-programa bat hauxe eskaintzen duena:
• Etxea, pisua, bilatzeko laguntza
• Hizkuntzak ikasteko doako ikastaroak (gaztelania, ingelesa eta euskara)
• Izapide administratiboetan laguntza osoa, ikastetxeekin laguntza haurrentzat...

Informazio gehiago: https://cicenergigune.com/eu/gurekin-lan-egin

NOLA APLIKATU:

Interesa duten pertsona guztiak gonbidatzen ditugu curriculum vitae zehatza eta motibazio-gutun bat webgune honen bidez aurkeztera.

Pertsona hautatu ondoren amaitzen da hautaketa-prozesua.

CIC energiGUNEk konpromisoa hartu du baiezko ekintzarekin, aukera-berdintasunarekin eta langileen aniztasunarekin. Beraz, inklusioarekin dugun konpromisoaren parte gisa, eskaerak onartzen ditugu genero identitatea, jatorri etnikoa, orientazio sexuala, desgaitasuna eta adina edozein direla ere.

ERAKUNDEAREN DESKRIBAPENA:

• NOR GARA? https://cicenergigune.com/eu/nortzuk-gara
• NON GAUDE? https://cicenergigune.com/eu/ongi-etorria
• GURE INSTALAZIOAK: https://cicenergigune.com/eu/plataformak-instalazioak

CIC energiGUNEren ikerketa-jarduerei buruzko xehetasun gehiago nahi izanez gero, bisitatu gure webgunea hemen: https://cicenergigune.com/eu

Baldintzak

HAUTAGAIAREN PROFILA:

• Master titulua (edo baliokidea) Kimikan, Fisikan, Materialen Zientzian edo antzeko arlo batean.
• Oinarri sendoa kimika fisikoan, elektrokimikan edo materialen zientzian.
• Energia biltegiratzeko sistemen oinarrizko ezagutza (adibidez, bateriak edo prozesu elektrokimikoak).
• Ingeles maila ona, ahoz zein idatziz.
• Diziplina anitzeko ikerketa-ingurune batean doktoregoa egiteko motibazio handia.
• Modu autonomoan zein taldean lan egiteko gaitasuna.

Berezi baloratuko da:

• Teknika elektrokimikoetan eta baterien saiakuntzetan esperientzia (adibidez, coin cells, ziklatzea).
• Egoera solidoko edo likidoko RMNn aurretiko esperientzia.
• Airearekiko sentikorrak diren laginen manipulazioan esperientzia (aibidez, glovebox lanean).
• Karakterizazio teknika aurreratuen ezagutza (XPS, SEM, TEM, etab.).
• Metodoen garapenean eta datuen interpretazioan interesa.