Ur beroa eta lurruna energia termikoa erabiltzen duten prozesu industrialen barruan nagusi diren bektore energetiko bihurtu dira. Hala ere, ez daude prozesu termikoen eraginkortasun txikitik salbuetsita, eta hobetzeko ahalmen handia dago lurruna sortzeko ekipoetan (biomasa-galdarak, kogenerazioa, etab.) eta industria-prozesuetan. Erronka da ekonomikoki bideragarriak diren teknologiak sortzea biltegiratze termikoko sistemetarako, ur beroaren eta lurrunaren eskariak modu eraginkorrean kudeatu ahal izateko.

Ur beroa eta lurruna biltegiratzeko sistema eraginkor bat sortzeko, biltegiratze termikoko material aurreratuak garatu behar dira, gutxieneko kostu batekin, ur beroa edo lurruna biltegiratzen duten sistemekin lehiatu behar baita. Jatorri naturaleko fase-aldaketako materialak soluzio ezin hobea dira, haien energia-dentsitatea 3 aldiz biderkatzen delako eta jatorri naturalak materialen kostua murrizten duelako. CIC energiGUNEk ur/lurrunerako biltegiratze termikoko teknologia berritzailea garatu du, jatorri naturaleko fase-aldaketako materialetan oinarrituta.