Prozesu industrial tradizional askok beroa sortzen dute, normalean atmosferara husten dena, baina berrerabil daitekeena. Berrerabilpen hori ezin denean berehala egin, bero hori metatzen duen biltegiratze-sistema bat behar da, beste une batean erabili ahal izan arte. Beroa biltegiratzeko sistemetarako ekonomikoki bideragarriak diren teknologiak sortzea da erronka.

Ekonomikoki bideragarria den beroa biltegiratzeko sistema bat sortzeak sistema horren parte diren materialak energetikoki dentsoak, bateragarriak eta oso merkeak izatea eskatzen du. Altzairugintzako zepak material ideala dira, kosturik gabeko hondakinak baitira, eta bigarren bizitza bat ematen zaie, biltegiratze termikoko sistema batean birbalorizatuz. CIC energiGUNEk altzairugintzako zepetan oinarritutako biltegiratze termikoko teknologia berritzailea garatu du.