Leire Meabe Iturbe CIC energiGUNE energia elektrokimikoaren biltegiratzean eta bihurketan eta energia termikoaren biltegiratzean eta bihurketan erreferentziazkoa den euskal zentroko ikertzaileak Ikerbasque Research Fellow aintzatespena jaso du Ikerbasque - Zientziarako Euskal Fundazioaren eskutik. Eusko Jaurlaritzak sustatutako erakundeak talentua eta bikaintasuna duten ikertzaileak erakarriz ikerketa zientifikoa garatzen laguntzea du xede. Izendapen horrekin, dagoeneko CIC energiGUNEko 10 pertsonak dute Ikerbasque aintzatespena, horietako seik Research Professor kategorian, hiruk Research Associate Professor kategorian eta batek Research Fellow kategorian.
“Talentuaren aldeko apustua, energiaren arloan erreferentziazko posizioa lortzeko aukera eman digun erabaki estrategikoetako bat da, eta hori agerian geratzen da horrelako aintzatespenekin”, adierazi du Asier Urzelai CIC energiGUNEko Pertsonen Arloko zuzendariak. “Jakina, Ikerbasqueren lana funtsezkoa da erakarpen eta garapen profesionalerako gaitasun horri eusteko, eta, beraz, oso eskertuta gaude bere etengabeko laguntzarengatik”, ziurtatu du.
Leire Meabe Iturbe gaur egun ikertzaile senior gisa ari da lanean CIC energiGUNEn, Material Organiko eta Hibridoen taldean, elektrolito polimerikoen ikerketa lerroan zentratuta. Izan ere, bere ibilbide zientifikoak lotura estua du material polimerikoekin, polimeroen kimikarekin eta elektrokimikarekin. 2014an, Kimikako Gradua lortu zuen Euskal Herriko Unibertsitatean, eta, 2015ean, Kimika Aplikatuko eta Material Polimerikoetako Masterra.
