ThermLab jauzi kualitatibo eta diferentziala suposatzen du, biltegiratze termikoarekin, kudeaketa termikoarekin eta eraginkortasun energetikoarekin zerikusia duten teknologiak industrian integratuz; teknologia horiek interesgarriak dira negozio aukera berriak bilatzen dituzten enpresentzat.

ThermLab ekimena industriari kudeaketa termiko aurreratuko soluzioak eskaintzeko helburuarekin sortu zen, produktu trinkoagoak eta indartsuagoak garatuz, non ohiko hozte-sistemak garestiegiak diren eta optimizatu daitezkeen. Batzuetan, hoztea ez da nahikoa izaten, eta bizitza erabilgarria edo prestazio teknikoak murrizten dira. Aldi berean, ThermLabek hondar-beroaren soberakina aprobetxatzeko atea irekitzen du, eta hori energia-iturri garrantzitsu gisa kudea daiteke, eskariaren arabera erabil dadin, enpresen energia-eraginkortasunaren helburuekin bat eginez.

ThermLab azterketa-, garapen- eta saiakuntza-azpiegitura bat da, CIC energiGUNEn kokatua, ezagutza disruptiboa eta goi-teknologiako tresnak uztartzeko aukera ematen duena. Horrela, enpresen produktuetan eta azpisistemetan kudeaketa termikorako teknologia aurreratuak garatzeko eta baliozkotzeko aukera ematen da, industrialki garrantzitsua den eskalan egindako saiakuntzen bidez, merkaturatu daitezkeen garapenetan behin betiko integratu aurretik.